No.4973/2020-2021 

State Election Commission, Mizoram-in ni 07.09.2020 a General Election to Ramhlun South Local Council, 2020 neih hun tur atan ni 10.09.2020 a lo puan tawh angin, Ramhlun South Local Council -ah ni 10.09.2020 zing dar 7:00 atanga tlai dar 5:00 chhung khan Inthlanpui neih a ni a. General Election to Local Councils, 2020 a Voter awm zat leh Vote tlak dan leh result chu hetiang hi a ni:

 Voter Turnout:

 Party-wise Seats Secured:

 General Election to Local Councils, 2020 a Ramhlun South Local Council-a mipuite’n kan ai awh tura Local Council Member tura thlan tlinte chu a hnuaia mi ang hi an ni:

GENERAL ELECTION TO LOCAL COUNCILS, 2020

List of Elected Candidates

Hripui COVID-19 leng mek inkai darh hlauhawm dinhmunah an awm avanga Containment Area-a puan, Inkharkhip/Lockdown, Contact Tracing leh test result nghah mek a nih avangin, Ramhlun South Local Council-ah Inthlan hi Local Council dangte ruala neih theih a ni lo a, State Election Commission, Mizoram chuan an dinhmun thlir chung in leh Health & Family Welfare Department rawn chungin inthlan hun hi a ruahman a ni.

General Election to Local Councils, 2020 inthlan buaipuitu ber Deputy Commissioner & District Municipal Election Officer, Aizawl District, Superintendent of Police, Aizawl District, Election Observer, Assistant District Municipal Election Officer & Election Officer, Aizawl District, Returning Officer & Assistant Returning Officer, Local Level Officer, Presiding Officer, Polling Officer, Counting Official leh Police te inpekna avangin inthlan thawh thumna chu tluang taka zawh fel a ni ta a, State Election Commission chuan an chungah lawm thu a sawi a ni.

Thu leh hla puanzar zung zung hi inthlanna hlawhtling nei tura a serh zinga a mei ang a ni a, hemi kawngah hian Directorate of Information & Public Relations leh Media te chuan Commission mamawh leh thu puanzar duh tinrengah chhun leh zan pawh sawi loin a tul apiangah hma min laksak a, hun harsa leh khirhkhan tak karah tluang tak leh felfai taka inthlanna nei thei tura tha thawhtu pawimawh ber te zing a mi an ni a, an chungah State Election Commission chuan lawm thu a sawi a ni.

COVID-19 laka kan him theihna tura sul sutu, Health & Family Welfare Department-in Election Duty te leh mipui himna tura Commission in a mamawh apiang tihsakin thurawn tha tak tak a pe a, Ramhlun South Local Council-a inthlan theihna tura pawimawh tak Zoram Medical College (ZMC) a Sample Test Result tharlam ber nitin min hriattir bawk a, State Election Commission chuan a ngai hlu hle a ni. Hei bakah hian, RAT min tih sak bawk a, Commission chuan lawmthu a sawi a ni. Felfai taka COVID-19 Test Result Negative Quarantine a awm te Vote thlak theih na tura hma la tu Local Level Task Force te ruahmanna, hma lakna leh inpekna a ropui takzet a, Commission chuan lawm thu a sawi bawk a ni.    

State Election Commission, Mizoram chuan Local Council member thlan thar te lawmpuina a hlan a, hripui hual vel kara huaisen leh thu awih taka Democracy innghahna pawimawh tak General Election to Local Councils, 2020 ti hlawhtling tura Ramhlun South Local Council a mipui, vote thlak tura thawk chhuak zawng zawngte chungah lawm thu a sawi a ni.