4673/2024-2025

Aizawl, the 17th March 2025: Aizawl District Sr Superintendent of Police Pu Rex Zarzoliana Vanchhawng chuan 17.03.2025 Zinglama Treasury Bazar atanga kangmei chhuak, Police ten uluk taka an chhui hnuah tun thlenga information an neih tawh te a puangzar a. Aizawl SP chuan he thil thleng Chungchangah Police hnena information chiangkuang tak nei leh thlen duh an awm chuan an lo dawngsawng thei tih a sawi bawk.

TREASURY BAZAR KÂNGMEI CHHUAK CHUNGCHANG

1. Abdul Motin(Diki Restaurant a thawk) hian zing dar 3:00am vel(a hun a hrechiang thei tawhlo) ah Treasury bazaar a thlenin mihring or meilum ai a hmuh loh thu a sawi. Ani hian dawrah thuk te tinung in, eitur a siam nghal a, a siam laiin meikang a hmu ta a ni.

2. Meikang a hmuh veleh tlanchhuak in a piah a Police duty C/387 C. Vanlalremruata(1Bn MAP) chu a va hrilh nghal a, Police duty hian Fire station chu dar 3:29am ah a call nghal a, minute 2 leh second 16 an inbia a ni.

3. Khatla Fire Station in an call dawn dar 3:32am ah record in kangmei chhuahna an pan nghal a, dar 3:36am ah a hmun an thleng.

4. Fire Department mite hian electrical spark a nasat avangin Power House dar 3:47am-ah power titawp turin an ngen nghal a ni.

5. Kangmei chhuah chhan sawi awm ang angte bawhzui niin, tun thleng hian a chhuah chhan chiang tak hriattheih a la ni lo a, Forensic expert-te hmuhdan ngaihchan mek a ni a, chhui ngai ang ang te chhui chian mek zel a ni.

Kangmei hmu hmasa tu ber Abdul Motin-an rang tak a Police duty hrilh nachang a hriat zarah rang takin report pek theih a nih phah a, tin Fire department-te report an dawnfel atang a minute tlemte a kangmei chhuahna hmun an thlen avangin kang nasa zawk kan pumpelh thei niin a lang.