420/2024-2025
Aizawl the 6th May, 2024 : Durtlang to Sihphir kawng PWD, Aizawl Road North Division, Aizawl ten an siam mekah Selesih kawn to Sihphir (Nausel peng) inkar kawng chu Concrete Pavement a siam a ni a. Kawng siam hun chhung hian road block a ngaih dawn avangin leh hnathawktu ten tluang tak leh ngawrh taka an thawh theih nan leh Sr. EE, PWD, Aizawl Road North Division, Aizawl in a rawn dil angin Notification vide no. E/RO/107/2024/188 Dt.28.02.2024 lo chhuah tawh ani a. Amaherawhchu, an hna kallai an la zawh loh avangin leh Sr. Executive Engineer, Aizawl Road North Division, Aizawl in hun a rawn dil belh leh avangin Pu Rahool Alwal, IPS, Superintendent of Police, Aizawl chuan Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek ang in he kawng a lirthei tlan dan tur a hnuai ami ang hian thupek a chhuah.
1. Silchar to Aizawl via Sihphir kawngah LMV chin bak tlan phal a nilo.
2. Aizawl to Lungdai lama kal tur te, Selesih kawn atangin diversion road ah kal tur a ni anga, LMV chin bak tlan phal a nilo.
3. Lungdai to Aizawl lama kal tur te, Sihphir Rinchhan Veng to Selesih road kawnga tlan tur a ni anga, LMV chin bak tlan phal a nilo.
4. Hnathawhna hmun paltlang Lirthei veivak lo enkawl chu PWD te mawhphurhna a ni ang.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo ang. He thupek hian Dt. 07.05.2024 atanga 07.06.2024 (Thla 1) chhung a huam ang. He thupek bawhchhia chu u/s 179 Motor Vehicles Act, 1988 hmanga hrem theih an ni ang.
