1927/2025-2026

Aizawl the 15th October, 2025 : Public Health Engineering Department in Chhimphei Water Supply Scheme atan a an hnathawhna Melthum to Hualngohmun ah hian 250mm pipe phum hna Dt.20.10.2025 atang hian a thawk tan dawn a. Chuvangin, hnathawktu ten tluang tak leh ngawrh taka an thawh theih nan leh Sr. EE, PHED, Aizawl Water Distribution Division South, Aizawl in a rawn dil ang in Pu Rex Zarzoliana Vanchhawng, Superintendent of Police, Aizawl chuan Government of Mizoram Notification No. B. 12021/10/2004-TRP Dt. 01.06.2020 leh Motor Vehicle Act, 1988 (Act 59 of 1988) Section 115 in thuneihna a pek ang in he kawng ah hian lirthei One Way a tlan tir a ngai dawn a PHE Department a hmuna hnathawktu ten ruahmanna an siam zawm vek turin a ngen.

He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna leh damlo emergency a damdawiin pan ngai te a huam lo ang. He thupek hian Dt. 20.10.2025 atanga pipe phum hna thawh zawh hun thleng a huam ang. He thupek zawm lo chu u/s 179 Motor Vehicles Act, 1988 hmanga hrem theih an ni ang.