No.3666/2020-2021
Aizawl the 31st July, 2020: SP Traffic Aizawl chuan a hnuai ami ang hian Disaster Management and Rehabilitation Department Order No.B.13021/101/2020-DMR/Pt-III Dt.31.7.2020 tlawhchhanin Mizoram State Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angin mipuite tana remchan zawk nan leh COVID-19 hrileng mek laka mipui an him zawk nan Aizawl khawpui (AMC area) chhungah ni 1.8.2020 - 31.8.2020 thleng lirthei intlanchhawk/ indinchhawk dan tur a hnuai a mi ang hian thupek a chhuah a ni:
INTLANCHHAWK DAN TUR LEH A HUAM CHIN TUR:
1. Intlanchhawk hian mimal motor leh Sorkar motor, Two-Wheeler zawng zawng (exempted bik tih loh chu), bungraw phur lirthei zawng zawng a huam ang.
2. Lirthei registration number tawp ber te tlanchhuah theihloh ni chu hetiang hi a ni ang:
Thawhtanni(Monday) ah Registration 1 leh 2 a tawp
Thawhlehni(Tuesday)ah Registration 3 leh 4 a tawp
Nilaini(Wednesday) ah Registration 5 leh 6 a tawp
Ningani(Thursday) ah Registration 7 leh 8 a tawp
Zirtawpni(Friday) ah Registration 9 leh 0 a tawp
* Inrinni (Saturday) ah Lirthei engpawh tlan chhuah phal a ni
* Pathianni (Sunday) ah Lirthei engchi man tlanchhuah phal a ni lo
Tlan chhuah phalloh hun hian Zing dar 9:00 AM atanga Tlai dar 5:30 PM inkar a huam ang.
3. Mizoram District dang lirthei zawng zawng te, State pawna lirthei register te, Private Motor leh Bungraw phur motor Aizawl khawpui chhunga awm leh rawn tlan lut tur reng reng te pawh intlanchhawk hian a huam ang.
4. Taxi bik chu Sticker A, B leh C hmanga intlanchhawk kalpui mek ang hian Zing Dar 9:00 AM atanga Tlai Dar 6:30 PM inkar an intlanchhawk ang. Inrinni (Saturday) bikah Chawhnu Dar 1:00 PM atangin Taxi-te hi an vaia tlanchhuah phalsak an ni. Amaherawhchu, Pathianni (Sunday) ah hian lirthei dang ang bawkin tlanchhuah phal a ni lo.
5. Two Wheeler Taxi bik chu Sticker A, B, C, D leh E hmanga an tlan dan tur kalpui mek ang hian Zing Dar 9:00 AM atanga Tlai Dar 6:30 PM inkar ah an tlan ang. Inrinni (Saturday) bikah Chawhnu Dar 1:00PM atangin tlangdung kawngpui (Main Spine/artery) ah an vaia tlanchhuah phalsak an ni. Amaherawhchu, Pathianni (Sunday) ah hian lirthei dang ang bawkin tlanchhuah phal a ni lo.
A HUAMLOH TUR TE:
1. Governor, Chief Minister leh Speaker-te (an carcade tiamin) a huam lovang.
2. Gauhati High Court Judge te a huam lovang.
3. Public service vehicle (passenger phur chi lirthei) City Bus/ Bus, Maxi Cab/ Sumo (State dang registered huamin), Auto Rickshaw, Institution Bus, Department Bus.
4. Police Department motor duty, Traffic Police duty-te, Fire (F&ES) motor, Excise & Narcotics motor duty, Medical & Hospital Emergency duty, Ambulance/Morgue van, Executive Magistrate law and order duty leh emergency duty, Media mi te (MJA sticker tar te chauh), PHE emergency duty leh PHE tuisem, P&E emergency duty, Bawnghnute sem, Chanchinbu sem, AMC hnuaia Bawlhhlawh paih (Garbage) motor duty, Army leh Para-Military Force, Government Department/Office Despatch Rider-te.
5. Rualbanlote tana Special Vehicle-te a huam lovang.
6. District dang atanga Sorkar thil pawimawha duty-te, Law & Order leh Essential Commodities duty-te chu Aizawl City Traffic Police-te an hrilh hmasak hnuah an lirthei tlan dan tur ruahmansak an ni ang.
7. HMV/MMV leh a chunglamte: Sairang atanga Zemabawk (NH-54) lama tlan tlang thei tur te chu Zing Dar 7:00 atanga Chawhnu Dar 1:00 inkarah an tlan thei ang. Zemabawk lam atanga Sairang lama tlan tlang turte chu Chawhnu Dar 1:30 atanga a tuk zing dar 7:00 inkarah an tlan tlang thei ang.
Aizawl khawpui chhunga "Entry Period" neia lirthei tlan thin te chu a hnuai a mi ang hian an tlan chhunzawm ang:
1. HMV/MMV ENTRY PERIOD:
Aizawl City : 8:00 PM - 7:00 PM
Vaivakawn to Temple : 8:00 PM - 11:00 PM
Temple to Vaivakawn : 11:30 PM - 6:30 PM
2. TIPPER (SK/LPK 407) / : 10:30 AM - 4:00 PM
LOAD KING/SML etc.) 6:00 PM - 8:30 AM
ENTRY PERIOD
A chunga a huam loh tur sawi bakah hian eng emaw hriatlawkloh Emergency case leh tul bik tak tak thil ah chuan SP Traffic Office, Treasury Square ah leh Aizawl Traffic Control Room Phone Number: 0389-2322307/ 2313061/ 9366553559 ah te Lirthei tlan phalna Permit hi dil theih a ni ang. Permit hi mCOVID-19 mobile application hnuaia mPASS-TRAFFIC/online link mcovid19.mizoram.gov.in atangin dil theih a ni bawk ang.
He thupek zawmlo man te chu Section 179 of MV Act, 1988 leh 5(9) of The Mizoram (Containment and Prevention of COVID-19) Ordinance, 2020 hmanga hmanga hrem an ni ang.
