Aizawl Traffic S.P chuan Public Notice No. RO/TRF/SIPMIU-126/15/465 dt.12.4.2016 chungchangah a hnuai ami ang hian Public Notice thar a chhuah.

Ni 13.4.2016 atangin SIPMIU hmalakna in Vety College Gate No-2 SBI, ATM Booth bul (KVK Peng), Selesih atangin Feeder Main Pipe Line phumna tur Selesih leh Zuangtui inkar inkalpawhna World Bank Road-ah hnathawh a ni dawn a. He hnathawh anih hun chhung hian Vety College peng atanga Zuangtui panna kawng Durtlang Dawrkawn chhuah chhohna peng inkar hi khar hrih a ni dawn a, lirthei engchi mah a kal theih dawn loh tih mipuite kan inhriattir e.

Hmarlam atanga lokal te chuan Durtlang Dawrkawn atanga chhukthla in Zuangtui lam an pan thei anga, Zuangtui lam atanga lokal te chuan Durtlang Dawrkawn ah chhuak chhoin Hmarlam kawngpuiah an kal thei ang. Vety College peng leh Durtlang Dawrkawn pan chhohna peng inkara cheng te chu hnathawhna chin thleng zel kal phalsak an ni.

Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.