No.1621/2021-2022

Aizawl 29th July 2021: Aizawl DC chuan Aizawl Venglai hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a lak hnuin, Aizawl Venglai hmun thenkhat chu  Containment  Zone/Area-a  puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Aizawl Venglai hmun tarlan te hi ni 29.07.2021 (Ningani) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area   vide  Order  No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin  an   chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

AIZAWL VENGLAI Containment Zone/Area: 

Kawngchung ah:

Pu PC Zamlianate Colony huamchhung zawng.

Pu Zothangruaia in atanga Pu JC Lalhrilmawia in thleng.

Kawnghnuai ah:

Pu Lalnuntluanga in atanga Pi Synodthangi in thleng.

Pu R Kapsanga In atanga Pu A Lalhlira in thleng.

(Number of Household contained – 107)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.