No.1163/2020-2020

Manpower Development Board Vice Chairman leh Aizawl West-I Bialtu MLA ni bawk Pu Zothantluanga chuan kar hmasa khan Covid-19 hri avanga khawthlang lam ram ria duty-te a tlawh kual.

Pu Zothantluanga hian May ni 16, 2020 (Inrinni) khan Kanhmun OC Pu Zoramsanga hruaiin, Mizoram leh Assam ramri Medili hmuna Sipai duty-te a tlawh a, Sipai duty te hman tur hian Hmai tuamna (Mask), Kutkawr (Glove) leh Kut silna (Hand Sanitiser) ?hahnem tak a pek bakah sum fai engemaw zat a hlan bawk a ni.

Pu Zothantluanga hian khawtlang lam ramria duty te a tlawhnaah hian khaw hrang hranga Village Task Force duty te chu hetianga ram leh hnam chhan nan an duty avanga lawmthu hrilhin an mamawh chi hrang hrang a sem kual zel a. Ramri dep khua, Kanhmun Chhim Veng Village Task Force duty leh Sipai duty te pualin zanriah a buatsaih sak nghe nghe bawk.

Khawthlang ramria duty te tlawha amah ngei a kal hma pawh hian Pu Zothantluanga hian ramria duty tan hian an mamawh tur chi hrang hrang a lo thawn tawh thin a. Kar hmasa pawh khan Mizoram hmar chhak lam Burma leh Manipur te nena kan ram ria Village Task Force duty te tan Silpauline leh sumfai engemaw zat a lo thawn tawh bawk a ni.