No.694/2020-2021

April ni 4, 2020 chawhnu lama Sairang Dinthar khuaa thlipui leh ruahpui thawkin In pahnih luah tlak loha a tih chhiat, mihring nunna hial chan phahna ni bawk chu nimin April ni 29, 2020 (Nilaini) khan Aizawl West-I Bialtu MLA Pu Zothantluanga chuan an In chung tur Rangva bundle 4 ve ve pein, nimin la la khan Dinthar Sairang Village Level Task Force kaihhruaina hnuaiah ni khat thil thuah a In pahnih hian sak zawh nghal a ni.

He In sak hnatlang hi Sairang Dinthar Branch YMA hnuaia Section pahnih in mhena thawh a ni a. Heng In sak thar te hi a chung rangva, a bang tile niin, a hma aia lian leh mha zawk, nalh zawk a sak an ni.

April ni 4, 2020 a Dinthar Sairanga thlipui leh ruahpui thawk avanga nunna chan ta hi Pu Zothantluanga hian Rs.5000/- in a lo ral tawh a. He chhiat tawhna avang hian Dinthar Sairang leh Sairang khawtlang hruaitute hnenah an hnatlang thingpui inna turin Rs.5000/- ve ve bakah Silpauline mhahnem tak a pe bawk a ni.

Manpower Development Board Vice Chairman leh Aizawl West-I bialtu MLA ni bawk Pu Zothantluanga chuan Covid-19 avanga harsatna hrang hrang thleng mekah April ni 27, 2020 (Thawhmanni) khan a bial chhunga awm lawngmai Bethel Camping Centre leh Blessing Home a tlawh a. lawngmai Bethel Camping Centre ah hian Buhfai bag 10, Alu bag 20 leh Nutrella bag 4 a hlan a. Sakawrtuichhun-a mi vek, ‘Blessing Home’ ah Buhfai bag 6, Dal bag 1, Alu bag 3, Silpauline 2 leh hmai tuamna (Mask) leh kutkawr (glove) engemaw zat a hlan bawk. Heng bakah hian, Luangmual veng pawh tlawh telin, tun hnaia thlipui leh ruahpui avanga harsatna tawk te tan Luangmual leh Sakawrtuichhun khawtlang hruaitute hnenah Silpauline sawm(10) ve ve a pe nghal bawk.

He mi ni vek hian a bial chhunga damlote tlawh kual pahin Govt. Complex leh Zonuam Local Task Force-te hnenah hian Silpauline 10 ve ve a hlan bawk a ni.