4602/2025-2026

26th February, 2026 : Mi-PRAGATI, ni 21 January, 2026-a Chief Minister thuchhuah angin Aizawl khawpui Bypass-na tur Sihhmui a\anga Muallungthu panna kawng laih mekin Tlawng lui a tibawlhhlawh nia sawi chu ni 24.02.2026 khan Aizawl Bawrhsap leh District Disaster Management Authority Chairman ni bawk Er. Lalhriatpuia, IAS hmalakna leh kaihruainain department hrang hrang aiawh ‘Joint Mitigation Team’ ten a hmunah kalin an enfiah a. Tin, mihring kal theih lohna pawh Drone hmanga en niin a thla lak a ni bawk.

Muallungthu bula Tuisik lui leh Mauphir lui te chu nikum fur lai khan kawnglaihna vung hian a chhilh nual tawh tih finfiah a ni a. Mauphir lui hian Tuisik lui finin chu chuan Tlawng lui a fin leh a. Hetiang a nih takah chuan engtia thui nge leivungin a chhilh tih hre turin kea luidung zawhthlain Mauphir luia leivung hian Tuisik lui a la thleng lo tih a hmuna enfiah a ni a. Tin, Tuisik luia leivung pawh hian Km 2 chuangin Tlawng lui a la thlen loh bakah leivung emaw chhirh hnuhma hmuh a ni lo bawk.

Hetiang hi tun dinhmun ni mah se kan hma lawka furpui lo thleng turin Tlawng luia leivung a lenthlak loh nan a danna tur ruahmanna tlangpui a hmunah sawi ho a ni a. Ruahmanna kimchang zawk siam turin a tul anga Drone Survey leh thutkhawmna nei leh tura ruahmanna siam a ni.

Chutih rualin, Tlawng lui hi Aizawl tui lakna ber a nih avangin department dangte pawh a tul dan ang zela thawhko tur leh infinchhuah zel turin DC chuan a ngen nghal bawk a ni.

Hetiang tho hian Serlui leh Setlak lui lam pawh hmalak tura ruahman a ni. He hunah hian DC leh a thawhpuit e bakah PWD, PHE, Geology & Mining, AMC, Mizoram Pollution Control Board leh PUC atangin mithiam te an tel a ni.