RMSA, Aizawl District leh Science Teacher Association of Mizoram (STAM)  tangdun buatsaih district Level Children’s Science Congress vawi 25-na chu vawiin khan MBSE Conference Hall-ah tan a ni a, thupui atan ‘Science, Technology and Innovation for Sustainable Development’ hman a ni.

Children’s Science Congress hi Category pahnih – Junior level (10-14 years) leh Senior Level (15-17years) ah then a ni a. School 9 (pakua) atangin team 26 an tel a. Vawiin a ni khatnaah hian Project 16 entir niin, naktukah Project 10 entir a ni ang.

Children’s Science Congress hi district hrang hrangah neih a ni a, Category tina tit hate chu October 5 & 6, 2017 chhunga State Level Children’s Science Congress, Pachhunga University College Auditorium, Aizawl a neih turah an tel anga, State Level a tithe te National Children’s Science Congress December, 2017 a neih turah an tel leh ang. National Children’s Science Congress-ah hian Mizoram atangin mi 8 an kal thei dawn a. Hei bakah hian Indian Science Congress a State aiawh tur mi 2 thlan an ni bawk dawn a, kumin December thla tawp emaw nakum January thla tirah emaw neih a ni ang.

Vawiin hun hi Pu Zohmingthanga, DEO & DPC (RMSA), Aizawl District in hawngin, zirlaite science lama tuina an neih thar theih nan leh tha taka ti turin duhsakna a hlan a ni.