4251/2025-2026

Aizawl: 2^nd February, 2026: Vawiin khan Pu Udit Prakash Rai, IAS Cooperation Secretary kaihhruaina hnuaiah ,  tun thla ni 27-a Aizawla  nikhat awh tur Regional Conference of Cooperation Secretaries of NE States  nghah tur chungchangah meeting neih a ni a. Hetianga Secretary level officers’ conference hi Mizoramin a vawikhat thlenna tur ni a hriat a ni a, a tha thei ang bera lo host tum a ni. He Regional conference-ah hian India hmarchhak state 8-a Cooperation Secretary te bakah Ministry of Cooperation-a Secretary, Addl. Secretary leh official dang te pawh an lo tel beisei a ni.

He Regional Conference neih ni(date) tura ruat hi, Ministry of Cooperation atanga pawmpuina lak mek a ni a. Vawiin meeting-ah hian Regional Conference neihna tur hmun te, khuallian tur te leh thil pawimawh hrang hrang te sawiho niin, khuallian atan Mizoram Chief Minister Pu Lalduhoma remtihna pawh hmuh tawh thu meeting chairman Pu Udit Prakash Rai chuan a tarlang bawk.

Vawiin meeting-ah hian  Pu John LT Sanga, Registrar, Cooperative Societies, Pu Lalmuansanga, State Protocol Officer leh I&PR, NCDC, NABARD, NEDFi, MULCO, MAHCO,MCAB, MIZOFED aiawh official te  an tel a ni.