1501/2022-2023
India ram zalenna champhaphak vawi 75-na lawmna Azadi ka Amrit Mahotsav pualin in tinah India Hnam Puanzar zar theuh turin ram khua leh tui zawng zawng te ngen leh sawm an ni a. Mahni in tina zalen taka mimal leh chhungkua ten hnam puan zar kan zar theihna turin India hnam puanzar pawh pharh leh zar inkaihhruaina Flag Code of India, 2002 chu Sawrkar laipui chuan hetiang hian a ti danglam:

1. Order dt.30/12/2021 hmangin Flag Code of India chu tihdanglam a ni a, Part-I paragraph 1.2 chu hetiang hian tihdanglam a ni:

1.2 “National Flag chu kuta tah emaw khawla tah emaw, cotton/polyester/wool/silk/khadi hmanga siam a ni ang”

2. Part -II paragraph 2.2 clause (xi) chu Order Dt. 20/07/2022 hmangin hetiang hian tihdanglam a ni:
(xi) “Flag zarna hmun - pawnah leh mimal inah, chhun leh zanah zar phal a ni ang”