126/2026-2027

Dated Aizawl the 10th April, 2025 : All Mizoram Village Council Association (AMVCA) Logo tlangzarhna chu Dr. Lalngura Tlau, Director, Local Administration Department chuan a pisa ah vawi chawhnu dar 1:00 khan a nei a. He hun hi Pu Lalchawimawia, Joint Director LAD chuan a kaihruai a, All Mizoram Village Council Association (AMVCA) hruaitute leh Local Administration Department (LAD) hotuten he hunah hian Inkawmna hun an nei nghal a ni.

Local Administration Department Director chuan Village Council-te’n khawtlang hmasawnna tur atana an lawmman lam ngaihtuah miah lo a theihtawp an chhuah thin leh sawrkar kut ke tangkai leh pawimawh ber an ni reng thei chu lawmawm a tih thu a sawi a. Mizoram sawrkar in VC-te hmasawnna tur a ngaihpawimawh zel avangin an Department pawhin hmachhawp lian tak tak an neih thu a sawi a. Ram hmasawnna tur atana a lungphum pawimawh hmasa ber VC-te chu theih tawp chhuah a hmasawnna kawng zawh zel turin a fuih bawk a ni.

Pu Lalhmingmawia, Jt. Director pawhin thu sawiin Department nen thawhhona tha nei a, ram hmasawnna tura theih tawp chhuah ho zel turin AMVCA hruaitute chu a sawm bawk. Pu FP Laikhama, President AMVCA chuan LAD a thawktute zawng zawng VC-te tana an in hawn avangin leh 15th FC pawisa an dawn theih nana an thawhrimnaah lawmthu a sawi bawk a ni.

He hunah hian Pu Lalropuia, General Secretary AMVCA chuan  kalkhawmte inhmelhriattirna leh AMVCA Logo Design sawifiahna a nei a. AMVCA chuan Logo hi a duh apiang tana Design thei turin ruahmanna siam niin, chung Design thehluh zingah chuan Pu V. Lalnunsanga, Graphic ART Design chu Director LAD ho in ni 2 April 2026 khan thlan a lo ni tawh a. Village Council hian tunhmain Logo an la nei ngai lo a, tuna Logo tlangzarh tak hi an Logo hmasa ber tur a ni.