No.4421/2020-2021
Zanin hian Chief Secretary Pu Lalnunmawia Chuaungo chuan AMC huam chhunga inkharkhipna kalpui mek naktuk zing thleng awm tur, a tawp hnua kal zel dan tur chungchang thupek a hnuai a mi ang hian a chhuah.
Mizoram Sawrkar-in Aizawl Municipal Area huamchhunga inkharkhipna lockdown a puan kalpui mek chu naktuk 24.08.2020 zing dar 4:30 thleng a nih angin, hemi hnulamah chuan Sawrkar Order No.B. 13021/ 101/2020-DMR/Pt-III dated 31.07.2020 leh a kaihhruaina ken tel anga kal chhunzawm tur a ni ang.
A chunga tarlan Order-in a sawi bakah hian a hnuaia tarlan kaihhruaina leh thupek te hi Mizoram chhungah khauh taka kenkawh tur a ni.
1. Order No.B.13021/101/2020-DMR/Pt-III dated 07.08.2020 hmanga thuchhuah, Vairengte leh Kanhmun kaltlang chauha essential commodities lakluh phal tih chu sut a ni a, Order No.B.13021/101/2020-DMR/Pt-III dated 31.07.2020 in a tarlan angin bungraw lakluh kalpui chhunzawm a ni ang. Amaherawhchu, bungraw phur lirthei driver leh handyman te uluk takin screening point ah endik chhunzawm an ni ang.
2. Sawrkar-in Order No. B. 13021/ 101/2020 -DMR/Pt-III dated 13.08.2020 (annexure-I) hmanga chhiatni/thatni chungchanga thupek a chhuah chu khauh taka kenkawh chhunzawm zel tur a ni.
3. Dawr/ sumdawnna hmun leh petrol pump/ filling station ah te Order No.B. 13021/ 101/2020-DMR dated 22.08.2020 (annexure-II) chu khauh taka zawm bawk tur a ni.
Annexure - I ( Sawrkar Order No. B. 13021/ 101/2020 -DMR/Pt-III dated 13.08.2020)
Kan hriat theuh angin COVID-19 hripui a leng mekin, Mizoramah pawh a kai thar kan pung zel a. Hri dona kawnga thawktu thenkhat te pawhin vanduaithlak takin an kai a ni. Hetiang a nih avang, hian mipui punkhawmna chhiatni/thatni, i.e. mitthi vuina, lungphunna, inneihna, adt. hi hri inkaidarhna hmunah a chang ang tih a hlauhthawnawm hle a ni.
Sawrkar-in Order No.B. 13021/ 101/2020-DMR/ Pt-111 dated 31.07.2020 a tihchhuahah heng hmunah te hian mi 50 aia tam punkhawm a khap a; amaherawhchu, hei hian zawm a hlawh lo hle niin a lang. Chuvangin, COVID-19 hripui leng mek laka mipuite kan him zel theih nan Chief Minister, Mizoram/ Chairman, State Disaster Management Authority kaihhruaina hnuaia 12th August, 2020 a meeting-chuan heng hmunah te hian khauh taka inkhuahkhirhna kenkawh tha a ti a. Heng hmun te hi in chhuizui theih loh hri inkaidarhna hmun a nih mai loh nan, heng hmunah te hian inkaihhruaina siam belh tha tih a ni.
Chuvangin, mipuite COVID-19 hripui laka an lo him zel theih nan Chief Secretary/ Chairman, State Executive Committee, State Disaster Management Authority, Mizoram chuan Disaster Management Act 2005, Section thuneihna a pek angin a hnuaia tarlan thupek te hi heng chhiatni/thatni puipunna hmunah te hian thu leh awm hma chu kenkawh turin a puang.
1. Chhiatni/thatni ah Order NotB.13021/101/2020-DMR/Pt-lll dated 31.07.2020 in a tarlan angin mi 50 aia tam punkhawm khap tlat a ni. Chhungkhat laina pawh a tlem thci ang ber kal thin nise, association/pawl anga mitthi vuinaah mi 2 (pahnih) aia tam kal loh tur a ni.
2. Mitthi vuina ah social distancing a awm theih nan Kohhran hall emaw YMA hall emaw veng chhunga hall zau tawk tak remchangah in vuina hun hman tur a ni. Hemi atan hian mitthi lawina Kohhran leh a veng neitu YMA ten ruahmanna an siam thin ang.
3. Hall luhka zawng zawngah a lutte hming pum, address leh telephone number chhinchhiah tur a ni a, LLTF/VLTF ten ruahmanna an siam ang. Mi 50 aia tam chu luh tir loh tur a ni.
4. Chhiatni/ thatni puipunna hmunah reng reng zai/zaikhawm loh tur a ni.
5. Mitthi vuitu tur chu a theih hram chuan kum lama la upa lo leh mi hrisel pangngai a ni tur a ni.
6. Mitthi vuina-ah hian kum lama upa te leh hrisel lohna benvawn nei te kal loh tur a ni.
7. Chiatni/thatni-ah mipui kalkhawm ten face mask an vuah vek tur a ni.
8 Mitthi vuina, lungphun, inneihna, anniversary, pawl thila kalkhawmna, adt.-ah attendance register YMA/LLTF/VLTF in an vawng theuh tur a ni.
9. Mitthi vuina-ah thingpui leh a hmeh sem loh tur a ni.
ANNEXURE - II ( Sawrkar Order Order No.B. 13021/ 101/2020-DMR dated 22.08.2020)
Mizoram Sawrkarin Order No.B.13021/101/2020-DMR/Pt-III dated 31.07.2020 hmanga lockdown inkaihhruaina a siam a Attachment 1 - "Standard Operating Procedure (SOP) for Social Distancing" ah a hnuaia tarlan te hi belh a ni a, dawr/sumdawnna hmun leh petrol pump/ filling station ah chuan he SOP hi uluk taka zawm tur a ni.
Bazar, dawr leh sumdawnna hmunte:
1) Dawr leh sumdawnna hmunah te hian dawrtu te hming, contact number leh address chhinchhiahna tur register ruahman ngei ngei tur a ni.
2) Dawr leh sumdawnna hmuna social distancing kenkawh hi dawr/ sumdawnna neitu mawhphurhna a ni a. Chuvangin dawrtu te an in tlar a tul changin social distancing an zawm ngei na turin dawr neitu ten ruahmanna an siam tur a ni. Dawrtu te tan hand sanitizer an chhawp ngei ngei tur a ni.
3) Loh theih loh a nih loh chuan leh a hmunhma in a zir lo a nih loh chuan dawr chhungah dawrtu te luh tir loh tur a ni.
4) Indawrna ah pawisa inhlanchhawn tawn a ngaih loh nan mamawh leina tur zat in ruahman thin nise.
Petrol Pump/ Filling station:
1. Petrol pump, a kal ten social distancing uluk taka zawmin face mask an hmang ngei ngei tur a ni. Social distancing zawm chungchangah pump/ filling station neitu ten mawh an phur ang.
2. Pump/ filling station neitu ten anmahni dawrtu te hman tur hand sanitizer an chhawp ngei ngei tur a ni. Two-wheeler leh bur(gallon) hmanga petrol/ diesel la ten hand sanitizer an hmang ngei ngei tur a ni.
3. Dawrtu te intlarna tur mumal takin rin fel vek tur a ni.
4. Petrol pump/ filling station a kal ten mamawh lak tur zat hre lawkin pawisa in ruahman lawk tur a ni.
A chunga tarlan Order hmanga lockdown kaihhruaina leh Sawrkar thuchhuak palzut te chu Disaster Management Act, 2005 hnuaia Section 51 atanga Section 60 leh IPC Section 188 hmangin hrem theih an ni a, The Mizoram (Containment & Prevention of COVID-19) Ordinance, 2020 hnuaia Section 5 hmangin Rs 1000/- thleng chawitir theih an ni.
