Aizawl Municipal Council Session vawiin khan AMC Office-ah neih a ni a. Aizawl Municipalities Act, 2007 hnuaia dan thenkhatte siamthat rawtna an pawm.

AMC Session hi Pu CT Zakhuma, Chairman AMC in kaihruaiin an thurel tlangpui te chu:- The Mizoram Municipalities Act, 2007 Section 96 in Municipal Accounts Committee kumtina ruatchhuak tura tih chu Member pali(4) nise, party tin atangin mipakhat theuh ruat; The Mizoram Municipalities, Act, 2007 Section 3(2)(a) a Urban Local Bodies te Classification population based a, Larger Urban Area tana nuai nga (5) aia tlem lo tih chu nuai hnih leh singnga (2,50,000)aia tlem loa dan siamthat tura Sawrkar-a thlen leh The Mizoram Municipalities, Act, 2007 Section 374(1)(a)-a dan bawhchhia pawisa chawitir theih zat Rs.1000/- tih chu Rs.1000/- aia tlem lo leh Rs.5000/- aia tam loa thlak tura sawrkara thlen.