429/2025-2026

01.05.2025: Municipal Commissioner, Aizawl Municipal Corporation chuan Dt. 30.04.2025 khan Legislative Assembly House chhehvela dan kalha thil zuarte chungchangah a hnuai ami ang hian hriattirna a chhuah:

Mizoram Legislative Assembly leh a chhehvel - Venghlui Local Council leh Tuikual South Local Council huam chhung hi Section 208 of Mizoram Municipalities Act, 2007 in thuneihna min pek angin, kawngkam a inzawrh phal lohna hmuna puan a lo ni tawh a. Helai hmuna thil zuar thin zawng zawng te tan AMC Multi-Complex Tuikual South-ah thutna hmun siam sak a ni a. Chuvangin, thilzawrh phal lohna hmunah hian tumah thu lui tawh lo tura hriattir nawn leh kan ni a, thupek zawm lo a chetlate chungah khauh takin Mizoram Municipalities Act, 2007 lek kawh a ni dawn a. Rs. 5,000/- chawitir an ni ang a, an thilzawrh man sak theih a ni bawk ang.

Tin, mipuite pawh, phalna hmuna thil zuarte atang chauha thil lei turin AMC chuan ngen bawk a ni.