Chief Minister Pu Lal Thanhawla te nupa chuan 4 September, 2010-a Washington DC, USA an thlen thlakin Mizo Society of America hruaitute bakah Indian Embassy-a Head of Councellor leh Head of Chancery-ten an lo hmuak a. Ni 5 September Pathianni zing khan Mizo hnahthlak hrang hrang hruaitute nen an inkawm. NRI Pu Ashok Saxena chuan Chief Minister hi Mizorama power leh health care atana infrastructure din chhoh dan tur chungchangte a sawipui bawk. Ni 6 September 2010 hi USA-ah chuan Labour Day sorkar pisa chawlh a ni a, hemi ni hian Mizo Day kum 25-na lawmna programme a hmanpui ang a. Mizo pawl hrang hrangte nen inkawmhona an nei bawk ang. Ni 7 September, 2010 chawhma dar 9:00AM-ah hian Chief Minister hi Worldwide Bank Executive Director for India, Sri Lanka and Bhutan Pu P.Chatterjee nen an inkawm dawn a, dar 10:00AM-ah World Bank Vice President for South Asian Region Pu Xianzhu nen an inkawm zui dawn bawk a ni.