Nimin(23.2.2015) khan New Secretariat Conference Hall-ah Chief Secretary Pu Lalmalsawma IAS kaihhruaina hnuaiah North Eastern Council atanga Annual Priority Projects 2015-16 ruahman tura kaihhruaina an rawn siam zirhona leh projects siam chungchangah Council of Ministers in a pawm tawh ang a development projects hlawk zawk, chhawr nahawm zawk, rintlak, mamawh dan mil, leh felfai taka tihhlawhtlin theih anih theih nana kaihhruaina zulzui a projects ruahman dan tur sawiho leh zirchianna neih a ni. He meeting-ah hian Secretaries leh Head of Departments te an tel tha hle a, NEC Annual Priority Projects 2015-16 a telh turin projects Planning Department ah ni 13 March 2015 hma ngeia thehluh nise tiin rel a ni.
He meeting-ah hian Dr C. Vanlalramsanga, Planning Secretary pawhin Mizoram a Development Projects, Schemes leh Programmes te High Level Monitoring leh Surveillance Committee in a kalpui dan tur thar Chief Minister kaihhruaina a duan kalpui anih tur thu a tarlang bawk.
He ruahmanna-ah hian High Level Monitoring and Surveillance Committee I, Chief Minister kaihhruaina in development projects, schemes, leh programmes te Rs 50 crores leh a chunglam chin Quarterly in a review thin ang a. High Level Monitoring and Surveillance Committee II, Chief Secretary kaihhruaina in development projects, schemes, leh programmes, Rs. 50 crores hnuai lam chin Quarterly in a review thin ang. Monitoring and Surveillance Committee, Planning Secretary kaihhruaina in thlatin review an nei thin bawk ang. High Level Monitoring and Surveillance Committee te leh Monitoring and Surveillance Committee te hi Project Monitoring Division, Planning Department in secretarial service an pe ang.
Sectoral Surveillance Meeting Vice Chairman, Mizoram State Planning Board kaihhruaina a neih thin a ni anga. Hetah hian Mizoram economy a sector tin te performance review a nei thin ang a, sector tin ten economy (growth) a an contribution te thlir bakah Department hrang hrang ten ram hmasawnna atana an hnathawh dan bihchianna neiin Department te hnathawh kawngah leh inlungrual (cooperative) taka ram hmasawnna atana an thawh theih nan rawtna a siam thin ang.
