Nimin khan District Research Officer, Economic & Statistic Department Lunglei buatsaihin Convention Center Lunglei ah Annual Training on Registration of Births & Deaths for Registrars under Lunglei for the year 2018 neih a ni. Dr. Ankita Chakravarty, IAS, District Registrar of Births & Deaths leh Deputy Commissioner, Lunglei District ni bawk chuan khuallian niin a hmanpui.

Annual Training of Deaths & Births inkhawm hi Pu Vanlalmuana, DRO, Lunglei in kaihruaiin Dr. Ankita Chakravarty chuan Registration of Births & Deaths hi hna pawimawh tak ani a, Plan leh Policy siam nan a tehfung ber chu population hi ani a, chuvangin Registrar of Births & Deaths te hi naupiang leh thi chhinchhiah tu in ni a,registration an tih reng rengin uluk taka ziahluh record felfai taka vawn that a ngai a ni tiin phuahchawp a thiang ve lova, belchian tlak a ni ngei tur a ni, a ti.  Khawvel changkang zelah data dik leh felfai  bakah Registrar of Births & Deaths te hi ram tin ah ngaihpawimawh ani a ti. Certificate issue tawh hi damchhunga engkim tih nana hman tur anih avangin dik taka pe chhuak tur in RBD te a chah ani. Distrist Research Office hi Nodal Department niin a bulthut thawktu tak tak te chu RBD te hi in ni a, in update te hi thil dik a pawm tlak ani tur a ni ati. Registrar te hna hi hna pawimawh tak anih avangin theihtawp chhuah chhunzawm zel turin Regisrar te a chah ani.

Pu Lalchhuanawma Hrahsel, Director, Economics & Statistics Deparment pawhin thusawiin thahnemngai taka Registrar of Births & Deaths te  thawh zarah Mizoram a hmingtha a, India ramah pawh Births & Deaths record neitha leh thawktha pawl kan ni ati. Rinawm tak leh felfai tak a thawk theuh tur in a chak bawk ani.

Lunglei District ah hian mi 166 Registrar of Births & Deaths an awm a.Registrar of Births & Deaths kum 15 thawk tawh mi 34 te hnenah chawimawina certificate Khuallian Dr. Ankita Chakravarty chuan hlanna a nei a ni.

Chawhnu ah Technical session neiin Pu C. Lalhmangaiha, SIS chu resource person niin zawhna leh chhanna hun hman ani bawk