Vawiin khan Pu S.Hiato, Tourism Minister hovin  a Office ah Anthurium Festival 2010 neih hun leh neih tum dan sawiho a ni. He festival hi Sawrkar laipui atanga sum hmuhin buatsaih a ni dawn a, September 10 leh 11, 2010 ah Reiek Tourist Resort ah neih tura rel a ni. He festival hman dan tur chu Tourism  Secretary Pi B.Sairengpuii hovin programme siam nise tih rel a ni . A tam thei ang ber khualzinmite hip turin tan lak tum a ni a, Mizoram thenawm state te pawh sawm nise tih rel a ni bawk. Kumdang ang bawkin zokhua ah hnamzia rang hrang hrang pholan tum a ni a, hei bakah hnamlam leh zai te neih tum a ni.

Vawiin meeting  ah hian  Pu H.Zothangliana, Parliamentary Secretary, Pi B.Sairengpuii, Tourism Secretary, Pu Samuel Rosanglura, Director Horticulture, Pu Vaibeiha Hlychho, Director Tourism leh Officer leh pawl hrang hrang aiawh te an tel.