Anthurium Festival Reiek a neih mek chu vawiin a ni 2-na ah Chief Minister Pu Lal Thanhawla chuan a hmanpui.
Chief Minister chuan kum 11 liam ta a an sorkar lai khan helai hmuna tourist resort siam an lo tum tawh thu sawiin, an puitlin hman ta lo a ni a ti a. Sorkar hmasa in hma a la ta chu lawmawm a tih thu a sawi a. Tourism Industry hi Mizoramah awlai zawka industry kan neih theih anih avangin chak taka hmalak zel a ni ang a ti a. Mizoram rawn tlawh chak tak tak khualzinmite hian tunlai kutchhuak, concrete in te, kawngpui tha tak te etc. an hmuh chak zawng a nihloh avangin, rohlu kan neih ang ang, kan tlangram mawi takte, kan ramngaw hmuhnawm takte, kan lui neihte leh kan pipute sulhnu hmuh tur la awmte hi an hmuh chak zawng anih avangin, an awm dan ang anga kan humhalh hi mitin mawhphurhna a ni a ti a. Tih tunlai tum leh khawih danglam hian a hlutna a tibo thin a ni a ti.
Pu Lal Thanhawla chuan anthurium hi pangpar mawi tak, Mizoram pawhin kan hmingthan pui mek a ni a, a chinna leh enkawlna lamah a hautak deuh avangin, mirethei zawkte pawhin eizawn nana an hman ve theih dan sorkarin a ngaihtuah chho zel ang a ti a. Pangpar hi eizawnna tlak leh eizawnna tham anih avanga Thailand mite pawhin an hausakpui nasatzia sawilangin, Chief Minister chuan tun thawhtanni lo awm turah pawh Thailand Prime Minister Economic Adviser nen an inkawm tur thu a sawichhuak nghe nghe a ni.
Chief Minister chuan khualzin mite kan hip theih nana hetiang Anthurium Festival buatsaih a ni chu tha hle a a hriat thu sawiin, kan tourism industry chawikanna pakhat anih bawk avangin, uar chhoh zel pawh kan tum ang a ti a ni.
Inkhawm kaihruaitu Tourism Minister Pu S. Hiato chuan anthurium chi hrang hrang pholan atang hian midangte thil tih theih chu Mizo te pawhin kan ti ve thei a ni tih a tilang a. Mizote min pholangtu leh thalaite ti harhtu ni thei se a duhthu a sawi bawk a ni.
He huna khualzahawm Pu H Zothangliana, Parliamentary Secretary pawhin thusawina hun a hmang bawk.
He Festival chhim tur leh Chief Minister tawiawm tur hian Minister, Speaker, Dy Speaker leh Parliamentary Secretaries leh MLA te an tel tha hle a. Khaw tha vak lo chungin mipui thahnem tak an kal a, lirthei tam tak awm bawk nen, veivah a harsa hle a ni.
Pu Lal Thanhawla chuan anthurium hi pangpar mawi tak, Mizoram pawhin kan hmingthan pui mek a ni a, a chinna leh enkawlna lamah a hautak deuh avangin, mirethei zawkte pawhin eizawn nana an hman ve theih dan sorkarin a ngaihtuah chho zel ang a ti a. Pangpar hi eizawnna tlak leh eizawnna tham anih avanga Thailand mite pawhin an hausakpui nasatzia sawilangin, Chief Minister chuan tun thawhtanni lo awm turah pawh Thailand Prime Minister Economic Adviser nen an inkawm tur thu a sawichhuak nghe nghe a ni.
Chief Minister chuan khualzin mite kan hip theih nana hetiang Anthurium Festival buatsaih a ni chu tha hle a a hriat thu sawiin, kan tourism industry chawikanna pakhat anih bawk avangin, uar chhoh zel pawh kan tum ang a ti a ni.
Inkhawm kaihruaitu Tourism Minister Pu S. Hiato chuan anthurium chi hrang hrang pholan atang hian midangte thil tih theih chu Mizo te pawhin kan ti ve thei a ni tih a tilang a. Mizote min pholangtu leh thalaite ti harhtu ni thei se a duhthu a sawi bawk a ni.
He huna khualzahawm Pu H Zothangliana, Parliamentary Secretary pawhin thusawina hun a hmang bawk.
He Festival chhim tur leh Chief Minister tawiawm tur hian Minister, Speaker, Dy Speaker leh Parliamentary Secretaries leh MLA te an tel tha hle a. Khaw tha vak lo chungin mipui thahnem tak an kal a, lirthei tam tak awm bawk nen, veivah a harsa hle a ni.
Attachment
- Loading attachment...
