Vawiin chawhma dar 10 : 30 khan I&PR Conference Hall, Siaha-ah “Anti-Malarial Month” hawnna programme hlawhtling taka neih a ni.

He “Anti-Malarial Month” hawnna inkhawm hi Pu Vabeimosa Syuhlo, V.B.D Consultant chuan a kaihruai a, Dr Lalnunziri D.M.O, Siaha chuan kalkhawmte chawnglawmna thu a sawi bakah “Symptoms, Diagnosis and Treatment of Malaria” tih thupui thlan chhuah hmangin thu a sawi a, Malaria veite chu inenkawl hma a pawimawh a ni tiin a damdawite pawh mithiamte rawn chunga hman tur a ni a ti a, Foreign damdawi te hi tha hle mahse a hman dan thiam a ngai a ni ati bawk. Health Department in Thosilen an sem te pawh a hman dan tur dik taka hmang turin kalkhawmte chu a chah a, damlote khawsik natna-a an nat chuan Damdawiin-ah in entir thuai thin tura mipuite hnena hrilh turin a chah bawk a ni. Dr Zorammuana M&E Consultant, D.H.S, Aizawl pawhin thu sawiin Malaria natna hi kum 1800 ah khawvel ah hmunchhuah a nih thu leh India ramah chuan kum 1953 ah hmuhchhuah anih thu asawi a, Mizoram a Malaria dona sumte hi Global Fund atanga lo kal a ni tiin a hmanna tur dik taka pawisa hman anih loh chuan pawisa an Sanction tawh sa pawh an la let leh thei a ni ati a, Malaria umbo thei tur chuan englai pawha thapui thawha tanlak reng angai a ni a ti bawk. He hunah hian zawhna leh chhanna hunte neih a ni a.

He Programme ah hian Siaha khawpui chhunga Village Council Member te an kal tha hnem hle a, Dr Lalnunziri, D.M.O Siaha chuan lawmthusawina neiin he programme hi a ti tawp a ni.