Mizoram State Anti Tobacco Day-2015 hman dan tur ngaihtuah in vawiin chawhma dar 11:30 khan District Bawrhsap leh Chairman Anti Tobacco Squad, Saiha District, Saiha ni bawk Pu R.Zarzosanga hovin a Office Chamber-ah meeting neih ani.

He meeting-ah hian Mizoram State Anti Tobacco Squad, Saiha District, Saiha te chuan Saiha-ah Office hran an neih tawh thu leh Clinic te pawh neih thin anih tur thu meeting ah hian sawi lan ani. Meeting chuan Saiha khawpui chhunga Zirna In hrang hrang te chu he Ni hi mahni School theuh ah hmang ngei tura hriattir nise Meizuk that lohzia zirtirna “Talk Show” Local Cable TV kaltlanga neih nise He Ni hian Grace Accademy School chu Anti Tobacco Squad member thlan chhuah te, I&PRO, Saiha leh M.J.A.Member ten tlawh nise he hun ah hian programme tawi hmanpui ngei nise tih leh Inrinni tuk ah Saiha khawpui chhung Bazar hrang hrang te Squad member ten tlawhkual tura ruahmanna siam ani a, heng Bazar hmun hrang hrang fangkual tur member te hi ruat an ni. He Meeting ah hian Anti Tobacco Squad member te, District Council aiawh te leh chanchinthar thehdarh tute an tel kim hle ani. He Ni hi Mara Autonomous District Council pawhin a hranpa a hman an tum thu meeting ah hian sawilan ani.