2486/2025-2026

Dated Aizawl: the 18 September 2025 : Vawiin khan Mizoram Cooperative Apex Bank Ltd. chuan Mizoram khaw hrang hranga PACS (Primary Agricultural Credit Societies) te kaihruaia kawng kawhhmuh turin Apex Bank hnathawktu thlan bik Branch hrang hrang atanga lokal te tan ni hnih awh Training a buatsaih a. He hun hi Pu Lalnunsanga, Chairman, Mizoram Cooperative Apex Bank Ltd. chuan Agriculture & Farmers’ Welfare Department Training Hall ah a hawng a ni.

Hawnnaah hian Chairman chuan thusawiin, Mizorama PACS 124 te tha taka enkawl thei tura inbuatsaih turin Branch hrang hrang 15 aiawhte chu a fuih a ni.

Primary Agricultural Credit Societies (PACS) te hi dan ang thlapa pawisa khawl leh puk theihna niin Mizoram khaw hrang hrangah State Co-operative Societies Act hnuaia din an ni a. Mizoram hmasawnna rualkhai taka a kal theihna tura hmanraw pawimawh tak an niin, tun dinhmunah PACS hnuaiah hian member 30000 (sing thum) vel awmin; member-te atangin Deposit cheng vaibelchhe 39 vel nei tawhin, Loan cheng vaibelchhe 28 vel member te an puk tir mek a ni. Hetih rual hian PAC enkawltute hi Banking a thiamna thui tak nei bik lo, society mite annih avangin Mizoram Cooperative Apex Bank Ltd. chuan an mamawhna taka lo kaihhruai turin thawktute tan training hi a buatsaih a ni.

Training-ah hian PACS enkawltute hriattur pawimawh hrang hrang;- Common Accounting System, Non- Credit Business, PACS Computerization leh Audit Report chungchang te inzirtirna hun hman a ni a, hei hian thingtlang hmun hrang hranga PACS te mamawh nasa taka phuhru thei tura beisei a ni.