2553/2025-2026
5th December, 2025 : “Armed Forces Flag Day” hi India ram pum ah kum tin December ni 7 ah, kum 1949 atang khan hman thin a ni a. A ni hi kumin ah chawlhnia a tlak avangin Hon’ble Governor, Mizoram remtihna angin vawiin, Ni 05 Dec 2025 hian Directorate of Sainik Welfare & Resettlement, Aizawl bul tumin Mizoram ah Sainik Welfare Office awmna District pali ah te hman a ni. He ni hian indonaa nunna chan ta nupui fanau te, hliamtuar a ramtuileilo a awm te, Ex-Servicemen leh hmeithai harsa zualte tanpui nan, mi tlawmngaite leh mi inphal te hnen atangin tanpuina khawn thin a ni.
Vawiin khan Governor Secretariat, CMO Office, Speaker, Minister, Chief Secretary leh Department hrang hrang Secretary ah te hnen atangin tanpuina khawn niin, Rs.41,310/- (Cheng Sinqli Zathum leh Sawm) hmuh a ni a, hei bakah hian District Sainik Welfare Office pali ten Armed Forces Flag Day puala thawhlawm an khawn leh material an tihral atangin thahnem tak hmuh belh tura beisei a ni bawk.
Tlawmngaia thawhlawm petu zawng zawngte leh Flag Day material min chan sak lute zawng zawng chungah leh Ex-servicemen tlawmngaia min tawiawmtute zawng zawng chungah thinlung takin Sainik Welfare & Resettlement Department chuan lawmthu a sawi a ni.
