Chief Minister Pu Lal Thanhawla chuan Army Recruitment kalphung endik tura Mizoram zin mek Brig. VM Sharma, DDG recruiting, NE states chu a chenna CM Bungalow-ah nimin (20.6.2018) tlai khan a kawm.

Brig. VM Sharma chuan sipai lak runpui neih leh tur chungchanga thu pawimawh a tih te Chief Minister hnenah hian thlenin, khua kilkhawr leh hmun hla zawka thalaiten sipai a luh dan leh kalphung te an hriat theih nana inhrilhhriatna, awareness campaign nei tul a tih thu te a sawi a. Thalaite hmakhua ngaihtuaha Mizoram sawrkar thahnemngaihna chu fakawm a tih thu leh Mizo thalai tam zawk Indian Army an luh ngei a beiseipui thu a sawi bawk. 

Chief Minister chuan Mizo thalaite chu Indian Army a lut tura a duhsak thu leh, khua leh tui tha, khawtlang leh chhungkua tana mi chhuanawm leh tangkai nihna kawng tha tak a nih thu a sawi a. Sawrkar pawhin theihtawp chhuah a hma a lakpui tur thu a sawi a ni.

Brig  VM Sharma hi Col. Manish Natu, Director, Army Recruiting Office chuan a tawiawm a ni.