2933/2023-2024

4th December, 2023: December 2, 2023 (Inrinni) zan dar 8:00 PM khan Vanapa Hall-ah Mizo tradittional fiction behchhana siam KEIMI film chu Pi Carol VLMS Dawngkimi, Director, Art & Culture Department chuan a tlangzarh. Director hian tlangzarhna thusawiin, ‘KEIMI hi an awm tak tak em tih hi kan hre lo, kan pipute thinglungah ngaihruatna a awm reng thin a ni a, chumi behchhana kan pipute nun dan, an indo dan leh an nunphung tarlang thei tur Film siam a ni hi a lawmawm a, hetiang kawngah hian nasa lehzual zawka bei a, tan la turin film siam tute a fuih a, thangthar zawkte hnenah min thlahtute nunphung hriattir theihna tha tak chu documentary leh film hmang siam te hi an ni thei a ni’ a ti bawk. Director hian film changtute hnenah Certificate a hlan nghal a ni.

Christo Pa Entertianment leh B Lego Pictures te buatsaih KEIMI film hi Christo Pa ziak a ni a, he film buiatsaih nan hian kum khat chuang hun hman niin MIzoram leh Myanmar ram chhunga khaw hrang hrangah chan a ni. KEI FILM tlangzarhna hunah hian Pu Vanlalhuma Singson leh Pu Paul Lalringzuala ten Director hi an tawiawm a ni.