Vawiin khan Mizo Hnam thil a tui leh thahnemngai mi thenkhat chuan Art & Culture Department changtu Minister PC Zoram Sangliana,  'Cheraw Kan' avanga Mizote   thangchhuahpuitu  chawimawina hun an hmang. Chawimawina thilpek hi tlar thum zai thluk a siam Hlathu ziak, 'Cheraw (Bamboo Dance) World Record Hla', Pu B.Lalthlengliana (Thangkura Drama Party) phuah a ni

Minister chuan Mizo te hnam thil khawvel hriat a phochhuah a ni ta chu Pathian malsawmna a ni a ti. Chief Minister Pu Lal Thanhawla hmalakna leh Department hrang hrang, NGO hrang hrang te thawhhona avangin  kha 'Cultural Revolution' kha lo thleng a nih thu a sawi. Mizo incheina famkim nena phur taka thalaite  an rawn chhuak han hmuh chuan rilru a khawih  thu leh zonunmawi khawvel mite mit hmuh a a par chhuak chu ropui a ni a ti. Mizo hnam thil leh Zonunmawi chawinun chu Mizo te kan thangchhuahna tur a ni a ti. Pi Boihchhingpuii,  Art & Culture Director pension ta pawhin, Guiness World Record Website a Mizote chanchin leh Thlalakte tarlan ani chu Mizote hmel ti mawitu a nih thu a sawi a, chung lam atanga thlalak theih loh chhan pawh Pawan Hans Company te remchan leh tak loh vang a ni a ti.

Lawmpuina inkhawm hi Pu.R.Liandawla'n a kaihruai a, World Record Hla hi Pu. B.Lalthlengliana leh a thian ten Ramthar Zai thlukin an sa chhuak nghal.