Vawiin khan Art & Culture Minister Pu P.C. Zoram Sangliana chuan "Emergence of Mizoram" chhut thumna Pu P. Lalnithanga ziah chu Chanmari YMA Hall ah a tlangzarh.

Minister chuan Mizo te to bul atanga chhui a, thil thleng chhinchhiah tlak tak tak mizo te leh hnamdang te pawhin an chhiar theih tur lehkhabu hlu tak saptawnga ziak chhut thumna lai Pu P. Lalnithanga'n a chhuah thei chu ropui leh fakawm a tih thu a sawi a. Mizoram chanchin chhuina atana tangkai tak tur he lehkhabu hian thangthar lehkhabu ziak thiamte cho phur se, Mizo chanchin chhuina ziakin  tam leh zual dah thei se a duh thu a sawi a ni.

He lehkhabu tlangzarhna inkhawm hi Pu Thanseia, Education Dept. a Jt. Director ni thin chuan a kaihruai a, Prof C. Lalkima'n thlirlawkna hun a hmang a ni. Sorkar mi pawimawh tak tak lo ni tawh thin te he inkhawmah hian an kal tha hle