Union Minister of State for Culture Pi Kumari Selja chuan a office Shastri Bhavan, C Wing, New Delhi-ah Art and Culture Minister Pu PC Zoram Sangliana chuan nimin tlai khan a hmu a. Mizoram a State Museum sak mek a Modern equipment a thuamna estimate a tello, Kolkata Museum te heta tana tul tur zat pe tura a ngenna chu a tihfelsak nghal tur thu Pu Zoram Sangliana chu a hriattir a. Ministry of Culture a scheme leh Project tam tak te website atanga lo download a, chung ang te chu a tam thei ang ber Mizoram tana hai chhuak turin Pi Selja hian a lo rawn a ni. Pu PC Zoram Sangliana chuan a Ministry enkawl pakhat Housing and Poverty Alleviation atanga a bial Kolasib miretheite in 200 chuang an sak avanga lawmthu hrilhin a bak chhunzawm zel tura a ngenna pawh ngaipawimawhin Pi Selja chuan official te chhunzawm vat turin a hriattir nghal bawk.

Minister Pu P.C. Zoram Sangliana hian nimin vek khan Mizoram Exhibition and Special Lecture National Mission for Manuscript leh ZOPPEN Club te buatsaih ‘Special lecture session’ chu N.M.M Hall, IGNCA Campus-ah a hmanpui bawk.

New Delhi a cham chhung hian Ministry of Road Transport and Highway a Department Project atang te leh Ministry of Shipping (IWT) a Tlawnglui IWT project pending leh lui danga hma lak mek te chungchang pawh vawiin khan Pu PC Zoram Sangliana chuan a bawhzui nghal a. Film star lar Zeenat Aman leh Savvy & Stardust Magazine a Editor leh Sapne Chopra ten NGO an din “Sakhi” a Patron a an ruatna pawmin an programme bul tanna (inaugural programme) ah pawh Pu PC Zoram Sangliana hi a tel bawk.