Vawiin khan Pu PC Zoram Sangliana, Art & Culture Minister chuan Pu KK Banerjee, Director,  Raja Rammohan Roy Library Foundation(RRLF) a kawm a, Mizoram Library hmasawnna kawng hrang hrang  a sawi pui.

Minister hian Mizoram Library tih hmasawnna tur a mamawh leh hmachhawp hrang hrang te a sawi hnu in RRLF chuan sum leh pai mai bak ah kawng dang remchang awm ang te a Mizoram chu puih a rem ti. RRLF chuan  Mizoram  Library te tih changtlun nan Rs 300 lakh 10:1 contributory scheme hmang in pek a lo tiam. Rs.300 lakh atang hian Rs 50. lakh theuh chu District capital a District Library awmlohna Serchhip, Mamit leh Lawngtlai khua te a Library dinna tur a ruah hmanna siam a nih thu tarlan a ni.Heng bakah ah hian a hranpa in RRLF chuan Kolasib District Library sak zawmnan Rs 10 lakh a phalsak a, State Library New Secretariat Complex, Khatla a sak mek sak  zawh nan Rs. 10 lakh Mizoram a pek tur thu a sawi bawk. Minister dilna ngai pawimawhin RRLF chuan Tagore Multi Complex sakna Rs. 50 Crore Mizoram pek a tiam bakah Detailed Project Report(DPR) siam thleng in a puih tur thu Minister hi a lo hrilh nghal. Kumin February,  a India rama Library kum 150 tlin champha  lawmna denchhena neihtur Seminar North East pum huap chu Aizawl ah neih ni se tih an rel a, Mizo Academy of Letters leh Art & Culture Department tangkawpa Mizo thawnthu, Hindi leh English a lehna tur senso te pawh Sahitya Academy a member a nihna ang in Director, RRLF hian puih a lo tiam nghal thu Minister chuan a sawi.

Pu PC Zoram sangliana, Art & Culture Minister hian  naktuk dar 11 AM ah Director, Queen Victoria Memorial Hall sawmna in Queen Victoria Memorial Hall a tlawh hnuin dar 3 ah Pu KK Basa, Museum Director sawmna angin Indian Museu a tlawh leh nghal ang.