4309/2025-2026

Aizawl, 5th February, 2026: Vawiin khan Bethlehem Venglai Presbyterian Kohhran Hall-ah Regional Resource Training Centre (RRTC) for senior citizens, Mission Foundation Movement (MFM) chuan kum upa te pualin "Dementia Care and Management” program an buatsaih a, Aizawl veng 4 Bethlehem Area, College Veng leh ITI a MUP member-te puala hun hman niin, Pu C. Lalsawivunga, Hon’ble Minister, Art & Culture Department chu khuallian a ni.

He hunah hian khuallian Pu C. Lalsawivunga chuan kumu pa ten mahni taksa hrisel taka an vawn theihna tura zirtirna tha tak mai MFM in a buatsaih chu thil lawmawm tak a nih thu sawiin, hriselna atan faina a pawimawh zia a sawi a. Kalkhawmte chu harsatna an neih chang pawha ngawihbo pui mai lo a, an chhungte bul a sawi nachang hriat a tul zia leh inthlahrunna tur chi a nih loh thu chahin, hnam changkang zawkte chuan upate hi an ngaihlu in an ngaihsak thin em em a, Mizote pawhin aia upa te enkawl leh ngaihsak kawng ah hma kan sawn chho zel a ni a ti.

He hunah hian MFM Director R. Vanlalzauva'n inhmelhriattirna leh RRTC-in kum lam a upa zawkte tana hma a lak dan tlangpui report a pe bawk.

HVL Awmpuii, Tutor, MFM School of Nursing, in Health and Wellness lama hriattur pawimawh a sawi hnu in, C. Lalremsiama, MFM School of Nursing in kalkhawmte tana insawizawi dan zirtirna a pe a, a takin exercise in lama tih chhunzawm zel theih tur a zirtir bawk a ni.

He hun ah hian Pi Lalchhuanmawii, Principal, Laithangpuii College of Pharmacy  leh Pu Nghaklianmawia, President,  MUP ten thusawina hun tawi an hmang a, Pi Irene Lalruatdiki, MFM in lawmthu sawina hun a hmang in, kalkhawmte hnenah TA leh present pek theuh an ni.