Information &Public Relations Department leh Mizoram Art Development Society buatsaih ni 5 chhung awh Art Workshop-cum-Seminar, 2013 Archives Hall, Babutlang-a neih chu zawh fel a ni.

Art Workshop neih chhung hian Artist-ten an duhzawng subject chi hrang hrang lem an ziak a, Oil Painting, Acrylic, Water Colour leh Mixed Media hmanga lemziak 95 an zo hman a ni. Heng lemziakte hi May 24, Zirtawpni chawhma dar 10:00 atanga chawhnu dar 2:00 chhungin a duh apiang tlawh theih tura pho chhuah a ni a, lemziak ngainatu mi thahnem takin an tlawh a ni.

Art Workshop-a tel Artist-ten Information & Public Relations Department-in Artist-te hmasawnna tur an ngai pawimawh chu Artist kalkhawmten lawmawm an tih thu an sawi a, hmalakna chi hrang hrang, Art Workshop, Seminar, Exhibition, Study Tour, etc. te mahni hmunah ngei buatsaih thei tura lei rem an rap ve thei ta hi Information & Public Relations Department chungah Artist-te hian lawmthu an sawi a ni.