Arunachal Pradesh State atangin Press Team 13 te chuan tukin zing dar 1 khan Aizawl an lo thleng a, Press Team hi Pu Obang Tyang, Dy. Director, I&PR, Arunachal Pradesh chuan a rawn ho a ni.

Vawiin chawhma lam khan Press Team te hian Rajiv Gandhi Stadium, Mualpui a buatsaih mek leh A.R. Ground cheithat mekte an tlawh a, I&PR Department leh Sports & Youth Services hotuten an enkawl a ni.

Chief Minister Pu Lal Thanhawla chuan Press mite hi lo ngai pawimawhin, chawhnu dar 2 khan a office a lengah a sawm a, Mizoram kut chhuak an hriat rengna tur thil te a hlan a ni. Chief Minister chuan Press Tour hian North East State hrang hrang te inkara inunauna leh inpumkhatna tinghetin hmarchhak state ten harsatna leh buaina kan tawh thin tam tak a tiziaawm ngei ang, a ti.

AP Press Team te hian zanin dar 7 ah Zarkawt Biak In thalai inkhawm an tlawh ang a, naktukah Falkawn Mizo khua an tlawh bawk ang a, Aizawl khawpui fantir an nih hnuah tlai dar 6 ah Information & Public Relations Department buatsaih chawhlui Tourist Lodge, Chaltlang-ah, Mizoram Journalist Association, President leh Executive Member te nen kilhovin an inkawm dawn a ni.