389/2024-2025
Aizawl the 1st May, 2024 : Tunlai hian Aizawl District hmun thenkhat ah vawk hri African Swine Fever (ASF) a leng mek tih hriat a ni a. Aizawl District mipuite he hri laka kan lo him a, kan lo fimkhur nan vawk chungchangah inkhuahkhirhna thupek chhuah a lo tul leh ta a.
Chuvangin Nazuk Kumar, IAS, District Magistrate & Deputy Commissioner, Aizawl District chuan CrPC 1973 Section 144 in thuneihna a pek angin, Aizawl District huam chhunga mipuite zawm turin a hnuaia mi ang hian thupek a chhuah:-
1. Aizawl District chhungah ram dang (foreign) atanga vawk, vawksa leh vawksa atanga siam eitur chi reng reng lak luh khap tlat a ni.
2. State dang leh district dang atangin vawk, vawksa leh vawksa atanga siam eitur reng reng lakluh khap tlat a ni.
3. Vawk damlo reng reng talh leh hralh khap tlat a ni. Vawk damlo chu dah hran vat tur a ni. Vawk thi reng reng thuk taka phum bo tur a ni.
4. Vawk damlo leh thi an awmin AH & Vety Department Official-te hnenah hriattir vat tur a ni.
5. Aizawl District chhung khua leh khua emaw, veng leh veng emaw-a vawk inlakpawh tawn tur reng reng in vawk hrisel tha ngei a ni tih hriatpuina AH & Vety Department hnenah lak tur a ni. Aizawl hmun thenkhat 'Infected Area'-a puante atangin vawk lak luh leh lak chhuah khap tlat a ni.
6. Director, AH & Vety Department atanga phalna neite tan ASF hri len lohna State atangin vawksa atanga thil siam (frozen pork) lakluh phal a ni a. Amaherawhchu, Standard Operating Procedure zawm ngei tur a ni a, APEDA emaw FSSAI-in a pawmpui firm an ni bawk tur a ni.
He thupek hian thu leh awm hma chu puan a nih atanga thla hnih (2 months) chhung a huam ang.
He thupek zawm lo te chu IPC Section 188 dan hmanga hrem theih an ni ang.
He thupek hi Ni 25 April, 2024 ah District Magistrate Seal a nemnghetin hming a ziah hnan a ni.
