2385/2022-2023
Aizawl the 20th October, 2022: Tunlai hian Mizoram State chhungah vawk hri African Swine Fever (ASF) a la leng mek tih hriat a ni a. Aizawl District huamchhunga mipuite kan him a, kan lo fimkhur zawk nan Vawk chungchangah Aizawl DC chuan October ni 11, 2022 khan inkhuahkhirhna thupek a tichhuak.
Dr. Lalhriatzuali Ralte, IAS, District Magistrate & Deputy Commissioner, Aizawl District hian Section 144 CrPC in thuneihna a pek angin, Aizawl District chhungah a hnuaia mi ang hian thupek a tichhuak:-
1) State dang leh ram dang atangin Vawk, Vawksa leh Vawksa atanga siam eitur reng reng lakluh khap tlat a ni.
2) District leh District inkarah vawk leh vawksa lakluha lakchhuah phal a ni lo.
3) Vawk damlo reng reng talh leh hralh khap tlat a ni.
4) Vawk damlo chu dah hran vat tur a ni. Vawk thi reng reng thuk taka phum bo tur a ni.
5) Vawk damlo leh thi an awmin AH & Vety Official te hnenah hriattir vat tur a ni.
6) Hri leng darh zel loh nana Vawk suat duh ten District tina AH & Vety Department ah dilna thehluh tur a ni a. AH & Vety Department Official te hriattir hmasa lovin hma an la tur a ni lo.
He thupek hian thu leh awm hma chu puan a nih atanga thla hnih (2 months) chhung a huam ang. He thupek zawm lo te chu IPC Section 188 dan hmanga hrem theih an ni ang.
