Mizoram Youth Commission Chairman, Dr. Vanlaltanpuia, tuna Minister Pu Lalchhandama Ralte tawiawma  S.Korea a cham mek chuan chak taka hmala zelin, Mizoram Youth Commission nen hun lo la awm tur atana thawh hona leh, Mizoram thalaite tana chhenfakawm tur tak tak te ngaihtuaha  hmalak nghal theih tur awm te  bawhzui in hun a hmang mek. 

Mr Hyungmin Kim, Managing Director, Urban Youth Academy nen inkawmna hun tha tak an neih bakah, Hanyang University hotute nen pawh indawrna tha tak an nei a. Mr. Frederick F. de Castro, Executive Director, Team Energy Foundation nen inkawmna hun neiin, MYC nena thawhho dan turte an sawi dun a ni.

Director of  International Affairs, ERICA Campus, Hanyang University nen pawh Mizo thalaite hmasawnna leh hun lo la awm tur atan thawhhona chungchangte sawi dunin, inkawmna hun tha tak an hmang a. S. Korea-ah hian Mizo thalaite tan hamthatna awm thei ang ang tur ngaihtuah niin, chumi atan chuan mi pawimawh tak takte hmu kual in, indawrna tluang takin an nei thei a ni.

MYC Chairman chuan Mizo thalai te hmakhua  ngaiin, chak takin hma a la zel a.  APYE Korea kalphungte zirchiangin a program a chhim nghal a. APYE-ah hian Asia Pacific Countries atang a thlanchhuah ten United Nations Sustainable Development Goals (SDGs) hmangin khaw hrang hrangah zirchianna nei tura tirhchhuah an ni thin a ni. Tun tum APYE ah hian “Multiculturalism” chu thupui niin, thalai kalkhawmte hian hemi hmang hian S.Korea Khaw hrang hrang a issues and challenges-te chu an bitum anga, an zirchhuahte leh research based solutions te nen UN Representatives te hmaah an in lan ang. APYE winning team-te hian UNDP leh Hanyang University hnuaiah implementation an kalpui thei dawn a ni.