1513/2024-2025

Saitual the 9th August, 2024: Vawiin khan Aspirational Block Programme (ABP) hnuaia sector hrang hranga hmalaknaa mi taima leh hlawhtling thlan chhuahte zinga mi Pi H.Vanropari chu Saitual Bawrsap Dr. Lalngura Tlau nen Bawrsap pisaah inkawmna hun an hmang.

Pi H. Vanropari w/o Lalbuatsaiha hi Pawlrang khua, Saitual district a cheng a ni a, fu huan tin 3 hmun neiin kurtai an siam thin a, vawi khat herah tum khatah kg 30-40 inkar a thar thin a ni. Pi H. Vanropari hi kum 2024 a Delhi-a Independence day hmanna turah Special Guest atana thlan a ni a, a kal man leh senso hi Sawrkai Laipuiin a tum sak dawn a ni.   

Hemi atan hian Mizoram chhunga Aspirational Block Programme (ABP) pathum- Lungsen, Reiek leh Ngopa atangin mi 3 thlan a ni a, Saitual district atangin Ngopa Block aiawhin Pi H. Vanropari hi thlan a ni. ABP hnuaiah hian theme hrang hrang Health & Nutrition, Agriculture & Allied, Social Development ,basic Infrastructure leh Education te awmin hemi atang hian Mizoram State Rural Livelihoods Mission (MZSLRM) hmalakna hnuaiah Loan pek chhuah thin a ni a, hei hi loneitu tam takin chhawr tangkaiin hlawhtlin nan an hmang a, chumi zingah chuan Pi H. Vanropari pawh hi a tel a ni. 

Saitual Bawrhsap Dr. Lalngura Tlau chuan Pi H. Vanropari chu tun dinhmun a thleng hi a lawmpui a, a kal lehzelna turah duhsakna a hlan a ni.