New Delhi, Pune leh Mumbai tlawh tura zin chhuak mek, Chief Minister Pu Lal Thanhawla chu tukin zing khan Guwahati Mizoram House ah Assam Minister for Border Areas Pu Siddique Ahmed chuan a hmu a. Assam Minister hian ramri chungchanga buaina leh harsatna awm thin chu a tahtawla sawiho zel a duhthu Pu Hawla chu a hrilh a. Cachar Paper Mill a mau mamawh phuhruk dan dappui tura ngen bawkin, Karimganj district nen inlaichinna tha tak neih a duhthu pawh a sawi a ni.

Chief Minister Pu Lal Thanhawla chuan Mizo ten teak thing an hralhna kawngah Cachar lama tihbuai an nih thin avanga Tripura lama kal kualpui angaih thin thu Assam Minister chu hrilhin, he harsatna hi sutkian sak turin a ngen a. Minister chuan bialtu DFO hnenah harsatna siamlo tura a hrilh nghal tur thu Chief Minister chu a hrilh a ni.