Naktuk ni 24.3.2009 khi Assam Rifles din champha phak a nih angin Mizorama awm 23 Sector Assam Rifles Headquareters leh a hnuaia AR Unit zawng zawng te chuan Assam Rifles Day an hmang dawn a ni. Hemi Ni hian Assam Rifles Officers leh sipaite chuan rinawm taka venhimna hna an thawhsak Mizoram mipuite chu chibai bukin duhsakna an hlan a ni.

 

 

Mizoram Range Assam Rifles leh a Headquarter 23 Sector Assam Rifles (tuna Khatla a awm) te chu ni 10 September 1960 khan Silchar-ah Col. J.D. Nadirshaw, VrC, SC hnuaiah din a ni a. Assam Rifles Unit te hi Mizoram bakah Assam, Nagaland, Manipur leh Tripura ah te Range Headquarter neiin din vek an ni. Kum 1966-a Mizorama buaina a chhuah tan khan State Range Headquarter chu Aizawl-ah sawn a ni a, vawiin ni thlengin Aizawl-ah hmunpui khuarin an awm hlen ta a ni. March 1972 khan Mizoram Union Territory-a puan a ni hnuah Headquarter Mizoram Range-ah hlankai a ni leh ta a, January 1997 atang khan Headquarter 23 Sector tih a ni leh ta a ni. Tunah hian 23 Sector hnuaiah hian 10 Assam Rifles (Aizawl), 4 Assam Rifles (Serchhip), 40 Assam Rifles (Lunglei), 5 Assam Rifles (Jiribam) leh 45 Assam Rifles (Haflong) te an awm a ni.

Tuna Aizawl-a awm 10 Assam Rifles ve thung hi 1 November, 1956 khan Lt.Col. K.S. Rai, MC hnuaiah Meerut-ah din tan a ni a. Nagaland buai kum 1973-75 leh 1993-94 khan he Battalion hi a che tha hle a, Jammu & Kashmir-a firfiakte beina ‘Operation Rakshak’-ah pawh an battalion chu a hmingtha hle a ni. Manipur-ah kum engemawzat an awm hnuah Mizoram-ah nikum 22 April 2009 thla khan an rawn insawn lut a. Mizorama kum khat vel chhung an awm chhungin 10 Assam Rifles chuan an hna pangngai ramri ven hna bakah thingtlang khaw kilkhawr zawkah te Free Medical Camp engemawzat an buatsaih tawh a; hei bakah hian sikul thenkhat-ah a thlawnin computer sem, Mizo tlangval te sipai-a awlsam zawka an luh theih nan free Pre-Recruitment Rally an huaihawt leh Mizo zirlaite chu India ram khawpui hrang hrang tlawhpuiin National Integration Tour leh Excursion te a buatsaih tawh bawk a ni.

10 Assam Rifles te an inchhuanna em em chu hmun hrang hranga an awm kual tawhnaah he Unit hnuaia Officer leh sipai te huaisenna leh rinawmna avangin  lawmman tam tak an hmute chu a ni a. Chungte chu Shaurya Chakra 2, Sena Medal 2, President Police Medals, COAS Commendation Cards, Governor’s Gold, Silver & Bronze Medals egemawzat te a ni.

Ram leh hnam tana an nunna chan ta Assam Rifles hnuaia Officers, JCOs leh Rank dang te chu he Ni-ah hian 23 Sector Headquarters leh a hnuai Unit zawng zawngte chuan zahna chibai an buk a ni.