Vawiin khan Assam Rifles chuan an Raising Day vawi 174-na an lawm a, Mizoram-a 23 Sector Assam Rifles Headquarters leh Unit te chuan an awmna hmun hrang hrangah he an Ni pual hian intuaitharna leh intihhlimna hun an hmang. Assam Rifles Day bultan nan tukin zing dar 8:00 khan Treasury Square-a War Memorial hmunah 23 Sector AR Commander Brig Anil Pratap Rai, VSM chuan sipai nunna chan ta te hriatrengna leh zah entirna pangpar a hlan a ni.
 
 

Aizawl-a 10 Assam Rifles te pawhin Special Sainik Sammelan an nei a, hetah hian an CO Col Ajit Singh Walia chuan thu sawiin kum 175 kal ta chhunga Assam Rifles ten hmun hrang hranga an hnathawh that leh chawimawina an dawn tawh chungchang a tarlang a, tuna Assam Rifles tang mek te pawhin rinawm leh inpekna tak zet nena an hna thawk zelin a fuih bawk. 10 Assam Rifles awmna khua Ngopa, Mimbung, Ratu leh Sakawrdai-ah te intlansiakna an buatsaih ‘Run for Fun’ chu mipuiten an hlut hle a ni.
 
 

Attachment

  • Loading attachment...