Zan khat riak tura nimina Mizoram rawn tlawh, Assam Rifles hotu lu ber Lt Gen Ranbir Singh, AVSM, SM, Director General Assam Rifles (DGAR) chuan nimin tlai khan Chief Minister Pu Lal Thanhawla chu a chenna bungalow-ah hmuin thu pawimawh tak tak an sawi dun.

Assam Rifles DGAR hian a hna thar a chelh hnu a Chief Minister hi a hmuhna hmasa ber a ni a. Nimin tlaia Chief Minister a rawn hmuhnaah hian Major Gen Satish Dua, SM, IGAR (East), Silchar leh Brig. GAV Reddy, DIG 23 Sector Assam Rifles ten an rawn tawiawm a ni.

Chief Minister hi a nupui Pi Lal Riliani’n a tawiawm bawk a ni.