Assam Rifles Director General Lt. Gen. K.S. Yadava, PVSM, AVSM, SM, VSM, chuan Mizoramah nithum cham turin vawiin khan Aizawl a lo thleng. A cham chhungin Mizoram Governor Lt. Gen. (Rtd) M.M. Lakhera PVSM, AVSM. VSM a hmu ang a, ramri a Assam Rifles-te inkulhna hmun a tlawh bawk ang. Hei bakah hian Lunglei leh Parva khuate tlawhin ramchhung venhimna chungchanga hmalaknate a enpui ang.
General hi a nupui Pi Meenakshi Yadava, Assam Rifles Wives Welfare Association President ni bawkin a rawn tawiawm a, Pi Meenakshi hian sipai nupuite leh an chhungte kawmna hun a hmang bawk ang. Assam Rifles Wives Welfare Association pawimawhna sawiin ‘kan sipaite hi hmun kilkhawr tak taka awm a hun khirh tak tak tawk thin an nih laiin an chhungte hi anmahni fuihtu leh ti chaktu, beiseina pe thintute an nih avangin an pawimawhna leh an mawhphurhna a sang em em a ni’ ati.
