1336/2022-2023

Aizawl, the 23rdJuly 2022 : Vawiin khan Assam Rifles chuan Lammual ah Covid-19 hripui a len hnua a vawikhatna atan Assam Rifles leh Indian Army sipai bang tawh te tan Joint Ex-Servicemen Rally an buatsaih a. He Rally hi Assam Rifles hotulu ber Lieutenant General PC Nair, AVSM, YSM, Director General Assam Rifles in Shillong atanga lo zinin a hmanpui a ni.

 

Lt. Gen PC Nair chuan sipai bang tawh te chu ram venhimna atana an that lai hun pum an hmang chu ropui tiin an inpekna chu fakawm a tih thu a sawi a. Ram tana nunna hlan sipaite chu ramin a theihngilh dawn lova an nupui te chu Veer Nari an ni, an nupui fanau te chu a thei angina Sawrkarin in chhawmdawl thin a ni, a ti. Rally ah hian chuan sipai bangte leh sipai nupui, an pasal ram tana nunna  hlan te kawmin an harsatna te a zawt a ni. 

 

Rally ah hian sipai bang (ex-serviceman) mi 484 (Officer- 9; JCO -38 leh Other Ranks -437); ram tana nunna hlan sipai nupui Veer Nari 7 leh sipai nupui an pasal sun tawh mi 66 te an tel a ni. Anni bakah hian sipai tang lai nupui fanau mi 87 an tel bawk a ni.

 

Rally ah hian document lama fello leh pension chungchanga harsatna nei case 55, he hunah ex-servicemen leh an chhungten an thlen zinga 39 chu a hmun tihfel nghal a ni a. Medical Camp leh Dental Camp bakah Bank hrang hrangte leh Mizoram Sawrkar Department – LESDE, Horticulture, Sainik Welfare leh AYUSH te pawhin Stall an siam a ni.

Attachment

  • Loading attachment...