1622/2026-2027

Aizawl the 3rd August, 2026: Vawiin khan Mizoram Legislative Assembly Speaker Pu Lalbiakzama chuan Aizawl North College Fresher Social chu Vanapa Hall ah Khuallian niin a hmanpui.

Pu Lalbiakzama chuan zirna (education) chu kawng tinrenga changkanna nei tura min chhertu – pûm a nih ang ngeiin lehkha thiamte chu kan hnathawhna hmun apiangah, officer lian atanga a te ber thlengin, sawrkar hna tak thawk emaw, kuthna kan thawk emaw, a tha ber nih kan tum tur a ni, a ti. Mizoram State Sawkar hnuaiah sawrkar hna indaihlohna a nasat em em laiin sawrkar laipui hnuaiah Staff Selection Commission hna exam tur a awm reng thu te, hetiang lam hi zirlaite pawhin ngaihven nachang hriat a tul thu te a sawi bawk.

Pu Lalbiakzama hian zirlaite hmakhaw ngaiin, a bial Chalfilh Constituency huam chhung bika Class XII Board exam-a  titha mi  3 te chu Civil Service Coaching Course an kalna tur senso a tumsak mek a. A MLA Fund atangin Damdawi hmun awmlohna khua 4 ah Health Worker a ruai a. PHC 2-ah X Ray khawl leisakin Technician a rawih sak nghal a. Zirtirtu indaihlohna ah zirtirtu a ruai hlawm bawk a ni.