Assembly Subject Committee-I an Chairman Pu Joseph Lalhimpuia, Lunglei High Powered Committee Vice Chairman leh MLA ni bawk kaihhruai chuan vawiin khan Mualkawi, Melbuk leh Zokhawthara Rajiv Gandhi Grameen Vidyog Yojana (RGGVY) scheme hnuaia hmalakna kal mek a hmunah tlawhin an rawn enfiah. Chairman hi Pu Lalduhoma, MLA leh Pu Lalthansanga, MLA he committee member te bakah Power & Electricity Department Chief Engineer (RE) Er. R.Vanlalhruaia; SE leh P&E department officer dang ten an tawiawm a ni.

Subject Committee-I ten RGGVY hnuaia hmalakna an tlawh kualnaah hian hmalakna tur tam tak a la awm niin a lang a. Department lamah thawktu indaih lohna avangin Electric Inspector lamin hma an la chak thei lo niin a lang bawk. He scheme hnuaia hna hi phai lam contractor ten an thawk a, a scheme in a phut angin khaw tinah Village Committee, RGGVY hnathawh enpuitu tur leh viltu tur din turin uluk takin Subject Committee te hian an chah a ni.

Assembly Subject Committee-I member te hian nimin khan Dulte leh Tualpui khuaa eng (power) pekna hmunte an lo tlawh tawh a. Naktuk hian RGGVY hnuaia thingtlang khuate eng (power) hna thawh mek chungchangah hian Puilo khua an tlawh zui leh ang.