Vawiin khan Saiha ah Anti-Tobacco Squad (ATS) Drive neih a ni a, COTPA Section – 7 Pictorial Health Warning (Vaukhanna thu leh a lem tel lova vaihlo products zawrh khapna) hnuaia dan zawm that a nih leh nih loh enfiah a ni. Anti-Tobacco Squad member-te hian Saiha a dawr awm zawng zawng an tlawh kim deuh vek a, dan bawhchhia man tur an awm lo a, Gutkha product pawh hmuh tur a awm lo bawk a ni.

Hmasawnna lawmawm tak a awm theihna chhan hi sawrkar hmalakna mipuiten an thlawp thiam zelna leh Mara Chano Py (MCHP) leh tlawmngai pawl hrang hrangte’n thahnemngai taka an hmalak tawhna avang niin an hria a, Anti-Tobacco Squad member-te pawh an lawm hle a ni.