No.4409/2020-2021

Lawngtlai, Thlazing ni 25, 2020: Vawiin khan Lawngtlai District Bawrhsap Dr Andrew H. Vanlaldika, MCS hovin a office chamber-ah District Transport Officer leh Mizoram Maxi Cab Owners' Association (MMCOA) District Headquarters Lawngtlai hruaitute inkawm khawmin, COVID-19 hri leng kara sumo service kalpui dan tur an sawi ho va. Heti ang hian ruahmanna an siam:

1. August ni 25 - 29, 2020 chhungin Lawngtlai atanga Aizawl leh Chawngte-a tlan thin maxi cab (sumo)-te an service an chawl rih ang a. A tul dan azirin service dan chungchang hi sawi ho leh tur a ni ang. Tul bik thila service ngai an awm a nih chuan MMCOA, District Headquarters Lawngtlai hriatpuina nen Deputy Commissioner office atanga phalna lain an service thei ang.

2. Sumo service zawng zawngte'n an passenger list tha takin an nei thin tur a ni a. Hming, address leh phone number te chiang takin an chhinchhiah thin ang a, mask vuah, kut sil, etc. tha taka ti turin driver-te'n passenger-te an hrilh thin ang.