Vawiin khan National Anganwadi Workers AWARD dawng tu Anganwadi Worker mi 5 te Social Welfare Minister Pu PC Lalthanliana’n a pisa-ah thingpui in pui na a nei.
Minister chuan khaw hran hran a, Anganwadi worker te State level mai nilova National Level hial a AWARD an dawng thei chu chhuanawm a tih thu a sawi a. “AWARD hrim hrim hi eng level-ah pawh State level leh Nation Level a dawn a harsat zia kan hre tlang vek a”, hetianga Anganwadi Worker NATIONAL AWARD dawng thei khawpa thawk tha kan nei leh, department lam thawktu te pawh an hnuaia hna thawktu tha taka vil tu leh a tul anga AWARD la thei tura lo tanpui tu an awm chu lawmawm a tih thu a sawi a ni.
Minister chuan heng NATIONAL AWARD latu te hnenah Lawmman beisei vang chauha thawktha nilova Thawh that avanga lawmman la an nih ngei a beisei thu leh Zoram puma Anganwadi worker te pawh heng an thawhpui an thiante NATIONAL AWARD la thei an awm avanga chona thar an neih phah ngei a beisei tlat thu a sawi bawk.
Awardee te chu :
1. Halliannguri, AWW Khawzawl ICDS Project, Champhai Anganwadi Centre-XIII
2. Vanlalringi, AWW Siphir Anganwadi centre II, Tlangnuam ICDS Project.
3. Lalkamlovi AWW Republic Anganwadi Centre III, Aizawl Urban ICDS Project.
4. Rothangi, AWW Ngopa ICDS Project.
5. Lalrokimi, AWW Bawngkawn S Anganwadi Centre –ii, Aizawl Urban ICDS Project.
He National Award an dawn hian Citation leh Rs.25000/- a keng telin, Award dawngtu te hi Pu PL Lianding State Programme Officer leh midang ten New Delhi ah an zuk hruai a ni.
Minister hi Pu K.Lalrinthanga, Parliamentary Secretary in tawiawm a ni.
